TENY
- Arivo teny, zato kabary, fa iray ihany no marina
- Aza manao kobaka am-bava, volana an-tenda, ka hatreo no miakatra ihany.
- Aza manao teny tsy loa-body
- Aza mindran-tsofina samy akaiky
- Aza misomidika ambony toa menaka : fa ataovy latsaka anatiny toa tsoka
- Manandrifindrify tahaka ny tenin'adala
- Manan-joky afaka olan-teny, mana-jandry afaka olan'entana.
- Miteny ny iray toa novankonina, miteny ny hafa toa nompolesina.
- Mitompo teny fatratra toy ny antsikely be zarana
- Mivoravora ny voadidin'ny antsy noho ny voadidin'ny vava
- Ny hena masaka mahavelona, fa ny henamaso mahafaty
- Ny kitoza no tsara mihantona, fa ny teny tsy tsara mihantona
- Ny marina mitavozavoza tsy mahaleo ny lainga tsara lahatra
- Ny tenin'ny mpisampina tsy inoan'ny mpisikina; ny tenin'ny mpijery tsy inoan'ny mpanao; ary ny tenin'ny kamo tsy inoan'ny mazoto.
- Ny teny imaso tsy mba kilema
- Ny teny malefaka mahamora harena
- Ny teny malemy mahamora harena
- Ny teny marina ohatra ny fia-pary lava vany ka na lava aza tsy lany hamamiana.
- Ny teny marina ohatry ny fia-pary, ka na lava aza, tsy lany hamamiana
- Ny teny ratsy fotaka am-baravarana, ka samy manilika ny eo anatrehany
- Ny teny toy ny atody ka raha foy dia manana elatra
- Ny teny toy ny fonosana, ka izay mamono no mamaha.
- Ny teny toy ny ketsa : lava mamato-tena, fohy afatotry ny olona.
- Ny teny toy ny ketsa, ka izay mahalana sosohana
- Ny teny toy ny kitoza, ka izay mahatsakotsako no mahita ny tsirony
- Ny teny toy ny nofon-kena, ka raha roritina tonga hozatra
- Ny teny toy ny salaka, soa atao mihodidina, ratsy atao mihodidina
- Ny teny toy ny tori-hisatra ka tsy ilaozan'ny manjilatra
- Ny teny toy ny zipon'ny tovovavy : lava mamafa lalana, fohy mampitanjaka ny tompony.
- Ny teny tsara mahamora harena
- Ny teny tsy mazava tsy hita fototra
- Ny tsongo tsy hita fery no tsy toha
- Ny vava no tsy ato be, ny mamerina azy no tsy laitra
- Ny vava toy ny voro-damba, ka mitsiaka etsy, mitsiaka eroa
- Ny vava tsy ambina no ahitan-doza
- Raha foin’ ny vava, tsy misy raorao ; fa hany raoraon’ izany ny lainga
- Raha diso aho dia aza ny tenako no ariana fa ny teniko no ario
- Raha lava ny ahitra very ny kisoa, ary raha lava ny alahatra very ny soa.
- Raha tsy mahalà izay teny tsy mety tsy mba lehilahy
- Tanana haolo tsy ilaozam-pandrotrarana ; hadivory tsy ilaozan’ ambiaty ; teny maro tsy ilaozan’ izay ota
- Tantely tapa-bata ka ny vava no mameno azy
- Teny diso tsy mba kabary.
- Teny miakatra ifampierana, teny midina ifampifehezana
- Teny tsy azo mampihazohazo
- Tony aretin'omby ny teny, ka izay mirehodrehoka no hifindrany
- Toy ny trano vaky vovonana, ka mitondra teny mivoaka
- Tsy mety ny mitsako alohan'ny vazana, na kely mialoha andriana tahaka ny tehina
- Tsy misy mafy ohatran'ny vato fa rehefa tsy miteny angerezan'ny vorona
- Tsy misy melo-batana, fa izay melo-bava no meloka
- Tsy ny teny no ratsy fa ny sainao no tsy tsara
- Vava soa sakafo, teny ratsy adidy
- Very maina tahaka ny tantely nahoso-bato
- ....
-
Ohabolana sy fomba fiteny momba ny TENY
- Par
- Le 16/03/2015
- Dans TENY
Ohabolana sy fomba fiteny Malagasy momba ny TENY
