HAFA KOA
- Alaviro ny joko tsoriaka mahasambo-kary
- Aleo manda tsy handeha, toy izay manaiky tsy ho lasa
- Aleo maty olo-malaina, toy izay vaky vilany an’efitra
- Aleo mifanena amin’ny mpamosavy toy izay mifanena amin’ny mpandainga
- Amalona tsy azo hoatry ny fe, bonga tsy hita hoatry ny loza
- Angolangolako eo imasonao, fa raha takona anao aho mijaly
- Aoka tsy hanome toky ankamorana; nefa hanary ankasarotana
- Arivo tatatra, zato renirano, fa ny faran’ny rano anie ho Ikopa ihany
- Atoandro faka ronono ilaiaka, ka nilaozan’ny omby nihahaka
- Aty milelaka lelafo, any mamaky ampinga
- Aza be henatra imaso, fa be fosa ivoho
- Aza kely faka kitay ka be bahana
- Aza lasan-ko raviny: raviny ihany fa tsy misy voany
- Aza madio fitafiana fa mitsindroka am-pihinanana toy ny vorompotsy
- Aza manantena taintsokina ka tsy mety mihaza
- Aza manao “tsy miady tsy miady, nefa ny kobay ankelika ihany”
- Aza manao bolokilahy homam-boatseva, fy ny atsy fy ny aroa
- Aza manao fy ny voalavo, fy ny trandraka
- Aza manao kobaka ambava sy volana antenda, ka hatreo no miakatra ihany
- Aza manao longoa mitoto bozaka
- Aza manao olon-kendry raha jerena : tantely fiandry andriana, nefa nony dinihina : fanambom-bary fiandry alika
- Aza manao siaka mampandry adrisa
- Aza manao takorobabon’akoho, ny iray fisiam-bary, ny iray fisian’akotry
- Aza manao tantanandroa lela
- Aza manao toy ny sotrobe lava tango, mahay atsy mahay aroa
- Aza manao toy ny voara (votry) : jerena ivelany toa mandina, rehefa verahina fonenam-bitsika
- Aza manao toy ny voavahy, tsy mahajoro tena fa misarangotra amin’ny sasany
- Aza manao zatovon’ny any sady zazalahin’ny aty
- Aza manolo-bato mafana
- Aza mihaingo ambonin’ny tsikoko
- Aza milevin-ko fondrana rehefa mivelatra ho ravina
- Aza miovaova, anio ondry bodo, rahampitso ho mena loha
- Aza misomidika ambony toa menaka: fa ataovy latsaka anatiny toa tsoka
- Aza mody torana rehefa te-hihinana ny kitozan’ny marary
- Aza ny atsanga tsy aman’orana no alahatra
- Aza tsara vava ririnina toy ny mpamboly voalobok’Ambohidratrimo
- Be faniry nefa kely fila, ny vary aloha tsy ataon’ny kamo
- Fanirim-bomanga, vao kely dia miolaka
- Faran’ny omby hena, faran’ny teny ifanatrehana
- Lainga marivo tototra, fehezin’ny akoho tokan’anaka
- Lasan-ko raviny ka tsy misy voany
- Longo (namana) manambaka lefona
- Madera raviny fa poa-tahony
- Madio imaso toy ny tandrok’ondry
- Madio manatrika, vazo miamboho toa ravitsara
- Manantena lambo miakatra ve ka tsy mety midina an’ala?
- Manantena ny efa azo angaha, no tsy mandray ravin-dena?
- Manao toy ny harefo, mahitsy ivelany fa milefitra ankibony
- Manatsafa mahita, toy ny mpaka afo
- Mandehana dieny malaina fa rehefa mazoto tsy afaka intsony
- Mihambohambo tsy tia vary mohaka, fa miletra ny masiso be herinandro
- Mivadika imaso toa tandrok’osy
- Nomem-bava tsy ratsy ka ao an-trano no asian-dratsy
- Ny alika aza tsy azo fitahina, maika ny olona!!
- Ny anarana mampody mandry fa ny terehy mampitampody
- Ny iray tambatambazan-kambakaina; ny iray mody tsy tia-kolalaina
- Ny kamo ihany no sasatra
- Ny lainga donga takona ka mahia mifanatrika
- Ny lainga mampisolantsolana andro ilazana, fa mampivalomainty andro ifanatrehana
- Ny lainga toy ny fasika, mora ama-mandry, fa sarotra ama-mifoha
- Ny lainga toy ny nify lanin’ny olitra, ka sarotra esorina no tsy mahasoa ny tena
- Ny lainga toy ny vary aloha, mahatra-po fa tsy mahavita taona
- Ny lela efa tama-mitsilany tsy azo ahohoka intsony
- Ny manao no tsy ambinina hono : ampisambory fa Havana ory, fa raha miraviravy Tanana tsy miasa : aleo mivarina an-kady
- Ny teny marina hoatry ny fia-pary lava vany, na lava aza tsy lany hamamiana
- Ny zoto ahandroana, ny lainga itonoana
- Omaly ianao misolanga ho tandrony, ary anio ianao misafelika ho sofiny
- Omena mody voky nefa mangalam-pihinana ihany
- Raha maharary aza ny Tanana, jereo aloha ny kibo tsy misy hanina
- Raha vazo mitovy ihany, aleo tsy mita rano
- Raofy toy ny lainga, fa raha feno azy raraka
- Ratsy tokoa ny lainga fa ny mpandainga aza tsy tia azy
- Teny arivo, zato kabary : faran’ny teny ifanatrehana
- Toetran’ilay malaina: asaina miasa lohataona, milaza fa vaky lafika. Asaina manosy fahavaratra, milaza mararin’ny tazo. Avela ao an-tanana: midonendrina tsy maha-masa-kanina
- Tongo-dava tsy ahitan-kanina
- Toy ny parakin’Andriatany, misy ihany fa ampandozaina
- Toy ny rano antanim-bato, tsinjovina manelatra ihany, fa nony tovozina tsy ahazahoana
- Toy ny zozoro, mahitsy ihany fa telo rirana.
- ....
-
Ohabolana sy fomba fiteny momba ny HAFA KOA
- Par
- Le 16/03/2015
- Dans HAFA KOA
Ohabolana sy fomba fiteny Malagasy momba ny HAFA KOA
